Friday, October 19, 2018

བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་སྐོར་གྱི་བཅར་འདྲིར་ལན་འདེབས།



སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པའི་ཐོག་གཏན་འབེབས་གནང་བའི་བཙན་བྱོལ་བོད་མིའི་འོས་བསྡུའི་སྒྲིག་གཞི་གསར་པ་དང་འབྲེལ་བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་འཆར་ཟིན་ཚོགས་ཚུང་གི་ཚོགས་མི་བོད་མི་མང་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་སུ་དམིགས་བསལ་བཅར་འདྲི་ཞུས་པའི་ལེ་ཚན།

ནམ་མཁའི་ནོར་བུ་རིན་པོ་ཆེའི་སྐུ་ཚེའི་སྐོར་བཅར་འདྲི།

ནམ་མཁའི་ནོར་བུ་རིན་པོ་ཆེ་མཆོག་གི་སྐུ་ཚེའི་ལོ་རྒྱུས།

དེ་རིང་ཁ་བའི་གྲོས་རྭའི་ལེ་ཚན་ནང་ཆོས་རྒྱལ་ནམ་མཁའི་ནོར་བུ་རིན་པོ་ཆེ་མཆོག་དམ་པ་དེ་ཉིད་ཀྱི་སྐུ་ཚེའི་ལོ་རྒྱུས་ལ་ཕྱིར་དྲན་དང་། ཁོང་གིས་བོད་ཀྱི་ཆོས་རིག་འཛིན་སྐྱོང་སྤེལ་གསུམ་ཐོག་མཛད་པ་ཇི་ལྟར་བསྐྱངས་ཡོད་པའི་སྐོར་སྐབས་༡༦པའི་བོད་མི་མང་བོན་པོའི་སྤྱི་འཐུས་རྒྱུན་ལས་དགེ་བཤེས་སྨོན་ལམ་མཐར་ཕྱིན་ལགས་དང་། ཝཱ་ཎ་བོད་ཀྱི་གཙུག་ལག་སློབ་གཉེར་ཁང་གི་རྩོམ་རིག་སྡེ་ཚན་གྱི་འགན་འཛིན་བེ་རི་དགེ་བཤེས་འཇིགས་མེད་དབང་རྒྱལ་ལགས་གཉིས་དང་རྩོམ་སྒྲིག་འགན་འཛིན་རྡོ་རྗེ་དགྲ་འདུལ་གྱིས་བགྲོ་གླེང་ཞུས་པར་ཉན་རོགས་ཞུ༎
གསར་འགོད་པ་རྡོ་རྗེ་དགྲ་འདུལ།

འོས་བསྡུའི་སྒྲིག་གཞི་བསྐྱར་བཅོས་དང་དེའི་ཤུགས་རྐྱེན།

ནང་དོན་འདི་ནས་ཉན་ཐུབ།
གཟའ་འཁོར་འདིའི་ལས་རིམ་ལ་བོད་མི་མང་སྤྱི་འཐུས་ལྷན་ཚོགས་ཀྱི་འོས་བསྡུའི་སྒྲིག་གཞིའི་བསྐྱར་བཅོས་འཆར་ཟིན་ཚོགས་ཆུང་གི་འཐུས་མི་དགེ་བཤེས་སྨོན་ལམ་མཐར་ཕྱིན་ལ་གྲོས་ཚོགས་ཀྱིས་འོས་བསྡུ་དང་འབྲེལ་བའི་བསྐྱར་བཅོས་ཅི་ཞིག་བྱས་ཡོད་མེད། བསྐྱར་བཅོས་ཟིན་པའི་གནད་དོན་ཁག་ལ་གཞུང་འབྲེལ་མ་ཡིན་པའི་ཚོགས་པ་ཁག་གི་བསམ་ཚུལ་ཅི་ཡོད་ཐད་དུ་བཅར་འདྲི་ཞུ་ཡི་ཡིན།

Monday, September 3, 2018

སྒོ་གསུམ་མི་ཕྱེད་དད་བརྒྱས་རྗེས་དྲན་ཞུ།




༄༅། །ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་༸སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་མཁན་ཆེན་ ༣༣ པ་ལུང་རྟོགས་བསྟན་པའི་ཉི་མ་དཔལ་བཟང་པོ་རིན་པོ་ཆེ་མཆོག་དགོངས་པ་བོན་དབྱིངས་སུ་ཐིམ་ནས་མི་ལོ་གཅིག་ཕྱིན་པའི་འདས་མཆོད་དང་བསྟུན། རིན་པོ་ཆེ་མཆོག་གི་གསང་གསུམ་མཛད་འཕྲིན་མཐའ་དག་ཡིད་ལ་ལྷང་ལྷང་དྲན་བཞིན་སྒོ་གསུམ་མི་ཕྱེད་དད་བརྒྱས་རྗེས་དྲན་ཞུ་བ་དང་ཆབས་གཅིག གུས་འབངས་གྱི་ན་བས་ཀྱང་རིན་པོ་ཆེ་མཆོག་གིས་རྗེས་སུ་བཞག་གནང་བའི་བསྟན་པ་རིན་པོ་ཆེར་ཞབས་ཞུ་ལྷད་མེད་དུ་ཞུ་རྒྱུའི་དམ་བཅའ་སླར་ཡང་འབུལ་རྒྱུ་བཅས། གུས་སྨན་རིའི་དགེ་བཤེས་སྨོན་ལམ་མཐར་ཕྱིན་པས། གཤེན་གྱི་འབྱུང་ལྡན་ ༣༠༡ གི་ས་ཁྱི་ལོའི་བོད་ཟླ་ ༧ ཚེས་ ༢༤ 2018-9-4 ཉིན།།

Tuesday, August 21, 2018

ཨ་ལགས་བོན་བརྒྱ་རིན་པོ་ཆེ་མཆོག་དགོངས་པ་བོན་དབྱིངས་སུ་ཐིམ་པར་མྱ་ངན་ཞུ།


༄༅། །སྙིགས་ལྔའི་དུས་འདིར་འཕྲུལ་ངག་གཡུང་དྲུང་བོན་གྱི་བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་ལ་བཀའ་དྲིན་ཤིན་ཏུ་ཆེ་ཞིང་། བོན་མདོ་སྔགས་སེམས་གསུམ་དང་བཅུ་ཕྲག་རིག་པའི་གནས་ཀུན་ལ་ནང་བྱན་ཆུད་པའི་ངེས་པ་དོན་གྱི་མཁས་གྲུབ་གཉིས་ལྡན་བོན་བརྒྱ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་མཆོག་དགོངས་པ་བོན་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་ཐོས་པར་སེམས་གདུང་དང་བཅས་མྱ་ངན་གུས་འདུད་ཞུ་བ་དང་ཆབས་གཅིག་རིན་པོ་ཆེ་མཆོག་གི་བཞེད་དགོངས་མཐའ་དག་ཡོངས་སུ་རྫོགས་པའི་གསོལ་བ་རྩེ་གཅིག་ཏུ་འདེབས་རྒྱུ་དང་། རྗེས་འཇུག་བུ་སློབ་འཁོར་ཚོགས་འདུས་མང་ཡོངས་ལ་ཐུགས་གསོ་ཞུ་རྒྱུ་བཅས། སྨན་རིའི་དགེ་མིང་པ་སྨོན་ལམ་མཐར་ཕྱིན་པས་ ༢༠༡༨།༨།༢༢ ཉིན་གུས་ཕུལ།

Monday, August 13, 2018

༸སྐྱབས་རྗེ་རྒྱལ་བ་སྨན་རིའི་དཔོན་སློབ་རིན་པོ་ཆེ་མཆོག་བོད་གངས་ཅན་ལྗོངས་སུ་ཞབས་སོར་བཀོད་གནང་བ།



གསང་གསུམ་བོན་གྱི་མཛོད་འཛིན་༸སྐྱབས་རྗེ་རྒྱལ་བ་སྨན་རིའི་དཔོན་སློབ་
ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་
བོད་གངས་ཅན་ལྗོངས་སུ་ཞབས་སོར་
ཐེངས་དང་པོར་བསྐྱངས་པའི་
གནས་ཚུལ།



གངས་དཀར་སྲིད་པའི་རྩེ་ནས་འཁྱིལ་བ་ཡི།།
གངས་རིའི་ཕ་ཆོས་གཡུང་དྲུང་བོན་བསྟན་གྱི།།
གངས་ཆུ་བསིལ་མའི་རྒྱ་མཚོ་འདེགས་པ་པོ།།
གངས་ཅན་མགོན་པོ་རྒྱལ་བ་སྨན་རི་མཆོད།།

Sunday, August 12, 2018

བོད་མི་མང་སྤྱི་འཐུས་ལྷན་ཚོགས་ཀྱིས་རྒྱ་གར་དབུས་གྲོས་ཚོགས་སུ་བོད་དོན་ཞུ་སྐུལ།

Ram Nath Dudi R.S
༄༅། །དེང་སྐབས་རྒྱ་གར་གྱི་ཆར་དུས་གྲོས་ཚོགས་ཚོགས་བཞིན་པ་དང་བསྟུན་ཕྱི་ལོ་ ༢༠༡༨ ཟླ་ ཚེས་ ༢༢ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨཱཅརྱ་ཡེ་ཤེས་ཕུན་ཚོགས་མཆོག་དང་། སྤྱི་འཐུས་དགེ་བཤེས་སྨོན་ལམ་མཐར་ཕྱིན་མཆོག སྤྱི་འཐུས་ཀརྨ་དགེ་ལེགས་མཆོག་བཅས་རྡ་རམ་ས་ལ་ནས་རྒྱ་གར་གྱི་རྒྱལ་ས་ལྡི་ལིར་ཆེད་ཕེབས་ཀྱིས་ཕྱི་ཚེས་ ༢༣ ཉིན་ནས་བཟུང་ཕྱི་ཚེས་ ༢༥ བར་རིམ་བཞིན་

གཡུང་དྲུང་བོན་གྱི་ལྟ་མགུར་གྲགས་སྟོང་འགག་མེད་ཀྱི་སྒྲ་སྙན་ཞེས་བྱ་བ་བཞུགས་སོ།།


ཟུར་མང་དྲུང་སྤྲུལ་བཅུ་གཅིག་པ་ཆོས་ཀྱི་རྒྱ་མཚོའམ་ཆོས་རྒྱམ་དྲུང་པ་རིན་པོ་ཆེས་ལྗགས་རྩོམ་གནང་།
བོན་སྐུ་སྐྱེ་མེད་ཀྱི་གང་ཤར་དབང་པོ། །རྫོགས་སྐུ་གང་གསལ་གྱི་བྱང་ཆུབ་རྡོ་རྗེ། །སྤྲུལ་སྐུ་གང་འདུལ་གྱི་འགྱུར་མེད་ཚུལ་ཁྲིམས། །སྙིང་དབུང་ཟང་ཐལ་གྱི་ཀློང་ནས་བཞེངས་ལ། །བདག་ཅག་སྐལ་ལྡན་ལ་བྱིན་རླབས་སྩོལ་ཤོག །གདོད་ནས་བརྟན་གཡོ་ཡི་བཀོད་པ་འདི་དག །བོན་ཉིད་ཡོ་ལང་གི་རང་རྩལ་འབའ་ཞིག །དུས་གསུམ་གཤེན་རབ་ཀྱི་དགོངས་པའི་གཏད་སོ། །ངོ་བོ་ཟང་ཐལ་འདི་ཁོ་ན་ལགས་སོ། །བོན་ཆོས་ཐ་དད་ཀྱི་མིང་ཙམ་ཞིག་གིས། །ཀུན་གྱིས་ཕྱོགས་རིས་ཤིག་རྒྱང་ནས་བྱེད་ཀྱང་། །གནད་སྲང་རུས་སྦལ་གྱི་ནུར་འགྲོས་བྱས་ན། །དོན་གྱི་དབྱེ་བ་དེ་རིང་ནས་ཟད་སོང་། །བོན་སྐུ་འོད་གསལ་གྱི་རང་ངོ་འཁུམ་ན། །འཁོར་འདས་བདེ་སྡུག་གི་ཆེད་འཛིན་གྲོལ་བས། །ངང་བཞག་ཕྱོགས་ཡན་གྱི་རང་བབ་ཆེན་པོར། །ཨ་ཁྲིད་ཟང་ཐལ་གྱི་ཐིག་ལེ་ཉག་གཅིག །གྲུབ་མཐའ་ཀུན་མཐུན་དང་ཀུན་རྒྱལ་ཡིན་ནོ། །ང་ཚོ་ཞྭ་དཀར་གྱི་གཡུང་དྲུང་བརྒྱུད་པར། །མན་ངག་ཁ་ཁྱེར་ཞིག་གཏན་ནས་མེད་པས། །བོན་གྱི་གསུང་རབ་ནས་བཤད་པའི་ཉམས་ལེན། །ཇི་བཞིན་མཐར་ཕྱིན་གྱི་རྡོ་རུས་འཕྲོད་ན། །ཁོད་སྤུངས་ཆེན་པོ་ཡི་ཕ་རྗེས་བསྙེག་གོ། །

Tuesday, June 12, 2018

རྒྱལ་སྤྱིའི་བོད་རང་བཙན་ཚོགས་ཆེན་ཐེངས་ལྔ་པའི་བསྒྲགས་གཏམ།



(བཞུགས་སྒར་དྷ་རམ་ས་ལ། ཕྱི་ལོ་༢༠༡༨ ཟླ་༥ ཚེས་༢༣-༢༥)
 གཅིག སྔོན་གླེང་།
བོད་རྒྱལ་ཁབ་ནི་བཙན་པོའི་དུས་སྐབས་སུ་མངའ་ཐང་དར་བའི་རྩེ་མོར་སོན་ཡོད་ཅིང་། ཕྱིས་སུ་དར་རྒུད་སྣ་ཚོགས་ཤིག་བྱུང་ཡོད་ཀྱང་། རིག་གནས་དང་ལོ་རྒྱུས། འཛིན་སྐྱོང་གང་ཐད་ནས་རང་དབང་རང་བཙན་གྱི་རྒྱལ་ཁབ་ཅིག་ཡིན་ནའང་། ཕྱི་ལོ་༡༩༤༩ ནས་རྒྱ་གཞུང་གིས་བཙན་འཛུལ་བྱེད་འགོ་བཙུགས་ཤིང་། ཕྱི་ལོ་༡༩༥༡ ཟླ་༥ ཚེས་༢༣ ཉིན་འཇིགས་སྐུལ་བཙན་གནོན་འོག་“གྲོས་མཐུན་དོན་ཚན་བཅུ་བདུན་”ཟེར་བར་ས་ཡིག་འགོད་དུ་བཅུག

ས་འཐུས་ལ་ཟབ་སྦྱོང་སྤྲད་པའི་ལས་བསྡོམས།


བོད་མི་མང་སྤྱི་འཐུས་དགེ་བཤེས་སྨོན་ལམ་མཐར་ཕྱིན་དང་ཀླུ་ཚང་རྒྱ་རིགས་ཐར་གཉིས་
སྦིར་བོད་ཚོགས་སུ་ས་གནས་འཐུས་ཚོགས་ཁག་ཚགས་ཚུད་དང་སྲ་བརྟན་སླད་
ལས་དོན་བྱེད་ཕྱོགས་ཀྱི་ཟབ་སྦྱོང་སྤྲད་དུ་ཕྱིན་པའི་ལས་བསྡོམས།
ཕྱི་ལོ་ ༢༠༡༨ ཟླ་ ཚེས་ ༡༦ ནས་ ༢༢ བར།

Wednesday, April 25, 2018

༸དཔལ་གཤེན་བསྟན་སྨན་རིའི་གླིང་། (༢༠༠༧)

༄༅། །རྒྱ་གར་བྱང་ཕྱོགས་ཧི་མ་ཅལ་མངའ་ཁོངས་སུ་ཆགས་པའི་གཡུང་དྲུང་བོན་གྱི་གདན་ས་ཆེན་མོ་༸དཔལ་གཤེན་བསྟན་སྨན་རིའི་གླིང་གི་ཕྱི་ལོ་ ༢༠༠༧ ལོའི་གནམ་ལོ་གསར་བཞད་ཀྱི་འདུ་ཚོགས་དང་། རྒྱལ་བ་མཉམ་མེད་ཆེན་མོའི་དུས་ཆེན་སྐོར། ཁྲོ་ཕུར་དགུ་གཏོར་ཆེན་མོའི་སྐོར་བཅས་ཀྱི་བརྙན་འཕྲིན་འདི་སྨན་རིའི་དགེ་བཤེས་ཟླ་བ་རྣམ་རྒྱལ་ལགས་ཀྱིས་ཉེ་ཆར་ ༢༠༡༨།༤།༢༡ ཉིན་གསོལ་རས་གནང་བྱུང་བས་དྲ་ཐོག་ཏུ་བཀོད་པ་ཞིག་ཡིན། བརྙན་འཕྲིན་འདིའི་ནང་དུམ་མཚམས་གཅིག་ཙམ་ལ་སྐྱོན་ཕྲན་བུ་འདུག་པས་གཟིགས་མཁན་རྣམ་པར་དགོངས་འགལ་མེད་པ་ཞུ། དགེ་བཤེས་སྨོན་ལམ་མཐར་ཕྱིན་པས། ཐ་ཚན་མུ་ཙུག་སྨར་རོ།། ༢༠༡༨།༤།༢༦
གཤམ་གསལ་ཁ་བྱང་བརྒྱུད་བརྙན་འཕྲིན་དགྱེས་གཟིགས་ཡོང་བ་ཞུ།
༸དཔལ་གཤེན་བསྟན་སྨན་རིའི་གླིང་། 

འདས་པའི་བདུན་ཕྲག་གཉིས་རིང་གི་ལས་དོན་དང་འདྲ་པར།

འདས་པའི་བདུན་ཕྲག་གཉིས་རིང་གཡུང་དྲུང་བོན་གྱི་གདན་ས་ཆེན་མོ་༸དཔལ་གཤེན་བསྟན་སྨན་རིའི་གླིང་དུ་ཆེད་བཅར་གྱིས་༸སྐྱབས་རྗེ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་གིས་ཆེད་བརྩམས་གནང་བའི་ཚིག་མཛོད་ཆེན་མོ་རྩོམ་སྒྲིག་གི་ལས་དོན་ནང་ཉིན་ ༡༢ ཙམ་རིང་མཉམ་ཞུགས་ཞུས།