བོན་གྱི་བསྟན་འབྱུང་ལས་འཕྲོས་པའི་ཞང་ཞུང་གི་སྐོར།

༄༅། །གཡུང་དྲུང་བོན་གྱི་གདན་ས་ཆེན་མོ་༸དཔལ་གཤེན་བསྟན་སྨན་རིའི་གླིང་གི་དཔེ་མཛོད་ཁང་དུ། ལོ་ཙཱ་བ་རིན་ཆེན་བཟང་པོའི་རིག་གཞུང་དང་ཡི་གེ་རིག་པའི་ཚོགས་པའི་གོ་སྒྲིག་འོག་རྒྱལ་སྤྱི་ཧི་མཱ་ཅལ་ཞང་ཞུང་སྐད་རིགས་དང་རིག་གཞུང་ཞེས་པའི་ཚོགས་འདུ་འདིར་ཕེབས་པའི་ཚོགས་ཞུགས་པ་ཡོངས་དང་། དམིགས་བསལ་ཧི་མ་ལ་ཡའི་རི་རྒྱུད་ནས་ཕེབས་པའི་ཞང་ཞུང་གི་གཞོན་སྐྱེས་རྣམས་ལ་འཚམས་འདྲི་ཞུ་རྒྱུ་ཡིན།

འཇུ་ཆེན་ཐུབ་བསྟན་གྱི་ལོ་རྒྱུས་སྙིང་བསྡུས།

༄༅། །དཔལ་ལྡན་བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་

སྐུ་ཚེའི་ལོ་རྒྱུས་སྙིང་བསྡུས།

འཇུ་ཆེན་ཐུབ་བསྟན་གྱི་རྗེས་དྲན་སྙིང་ཁོང་གི་འབོད་སྒྲ།

༄༅། །དཔལ་ལྡན་བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་

རྗེས་སུ་དྲན་པའི་གདུང་དབྱངས་བཅོས་མིན་

སྙིང་ཁོང་གི་འབོད་སྒྲ།

བོན་སྤྱི་དགེ་བཤེས་སྨོན་ལམ་མཐར་ཕྱིན།

བོན་གྱི་ཐུན་མིན་སྲོལ་རྒྱུན་རིག་གནས་སྐོར་གྱི་རྒྱུན་ཤེས།

༄༅། །བོན་གྱི་ཐུན་མིན་སྲོལ་རྒྱུན་རིག་གནས་སྐོར་གྱི་རྒྱུན་ཤེས་ཞེས་པ་ནི། གྲུབ་མཐའི་རྒྱལ་པོ་འཕྲུལ་ངག་གཡུང་དྲུང་བོན་གྱི་ཐུན་མོང་མིན་པའི་སྔར་སྲོལ་བཟང་པོའི་རིང་ལུགས་རྒྱུན་མ་ཆད་པ་རིག་པའི་གནས་ཆེན་ཁག་གི་ཉིང་བཅུད་དམ། རྒྱུན་ལྡན་ཉེ་བར་མཁོ་བའི་ཤེས་བྱ་རྣམས་ལ་གོ་དགོས་པར་སྙམ།

གནའ་རབས་བོན་དང་ཧི་མ་ལ་ཡའི་འབྲེལ་བའི་སྐོར།

༧སྐྱབས་རྗེ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ།

༡༽ ཧི་མ་ལ་ཡ་ཟེར་བའི་ས་བབས་དེ་གང་འདྲ་ཞིག་ལ་ངོས་འཛིན་བྱེད་མིན།

༄༅། །ཧི་མ་ལ་ཡ་ཞེས་པའི་ས་རྒྱུད་ནི་ད་ལྟ་རྒྱ་གར་གྱི་རྒྱལ་ཁོངས་སུ་ཡོད་པའི་ལ་དྭགས་དང། ཁུ་ནུ། འབྲས་ལྗོངས་ལས་སོགས་ཀྱི་ཡུལ་གྲུ་དག་དང། དེ་བཞིན་འབྲུག་ཡུལ། བལ་ཡུལ་གྱི་བྱང་རྒྱུད་དང། ཤར་བརྒྱུད་ལས་སོགས་ཀྱི་ས་རྒྱུད་རྣམས་དང། དེ་བཞིན་བོད་དང་བོད་ཀྱི་ལྷོ་རྒྱུད་རྣམས་དང། གཞན་ཡང་བྷར་མ་ལས་སོགས་ཀྱང་ཧི་མ་ལ་ཡཱ་ཡི་མངའ་ཁུལ་དུ་གཏོགས་པར་ཀྱང་བཤད། ཧི་མ་ལ་ཡ་ཞེས་པ་ནི་བོད་སྐད་དུ་རི་བོ་གངས་ཅན་ཟེར་བ་རྒྱ་གར་གྱི་སྐད་དུ་བསྒྱུར་བར་བཤད།

མེ་སྟོན་ལྷུན་གྲུབ་རྒྱལ་མཚན་གྱི་མཛད་རྣམ་སྙིང་བསྡུས།

མདོ་ཁམས་ཁྱུང་ཡུལ་གྱི་བསྟན་པའི་སྒྲོན་མེ། གྲུབ་ཆེན་གདན་ས་མཐོང་གྲོལ་རི་ཁྲོད་ཀྱི་བསྟན་བདག། དཀའ་ཐུབ་པ་ཆེན་པོ་མེ་སྟོན་ལྷུན་གྲུབ་རྒྱལ་མཚན་མཆོག་ ༢༠༡༢ ཟླ་ ༥ ཚེས་ ༩ ཉིན་དགོངས་པ་བོན་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་ཐོན་འདུག

སྨན་རིའི་གླིང་དུ་དགེ་བཤེས་བརྒྱ་ཕྲག་བརྒལ་བའི་མཛད་སྒོ།

༄༅། །ཕྱི་ལོ་ ༢༠༡༢ ཟླ་ ༢ ཚེས་ ༢༧ ནས་ཟླ་ ༣ ཚེས་ ༩ བར་རྒྱ་གར་བྱང་ཕྱོགས་ཧི་མ་ཅལ་མངའ་ཁོངས་བོན་གཞིས་ཐོབ་རྒྱལ་གསར་པར་གནས་ཆགས་པའི་གཡུང་དྲུང་བོན་གྱི་འདུས་སྡེ་ཆེན་མོ་༸དཔལ་གཤེན་བསྟན་སྨན་རིའི་གླིང་དུ་སྐབས་ ༡༦ པའི་དགེ་བཤེས་མཛད་སྒོ་ཚུགས་ཏེ་བསླབ་མཐར་སོན་པའི་དགེ་བཤེས་བརྒྱ་ཕྲག་གཅིག་ལྷག་བརྒལ་ཡོད་པ་རེད།

སྟོན་པ་སངས་རྒྱས་ཀྱི་འཁྲུངས་དུས་ལ་དཔྱད་པ།

༸སྐྱབས་རྗེ་སྨན་རིའི་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེ།

༄༅། །བདག་ཅག་གི་སྟོན་པ་སངས་རྒྱས་འཁྲུངས་པའི་དུས་དཔྱིད་ཟླ་ར་བ་རུ་ངེས་ཀྱང་། དཔྱིད་ཟླ་ར་བ་ལ་ངོས་འཛིན་མི་འདྲ་བ་མང་དུ་སྨྲས་ནས་མཁས་བླུན་མང་པོའི་དབུ་གདུགས་ལྟར་ཁྱི་ལི་ལི་འཁོར་བར་བྱུང་འདུག འདིར་ལུང་གི་ཚིག་བཞག་ནས་དེ་ཡི་དོན་ལ་དཔྱད་ན། གཟི་བརྗིད་ལས། ལོ་ཡི་རྒྱལ་པོ་ཤིང་ཕོ་བྱི་བ། ཟླ་བའི་དང་པོ་དཔྱིད་ཟླ་ར་བ། ཞག་གི་སྙིང་པོ་ཚེས་བཅོ་ལྔ། དུས་ཚོད་ཀྱི་དང་པོ་ནམ་ལངས་པ། སྐར་མའི་དམ་པ་རྒྱལ་གྱི་རུ་གོང་ལ་སྐུ་བལྟམས། ཞེས་དང་།

ཤིག་རྒན་གཉིས་ལ་བོན་བཤད་པའི་ལེའུ།

སྐུ་མདུན་བསོད་ནམས་བློ་གྲོས་ཀྱི་རྣམ་ཐར་པདྨོའི་ཕྲེང་བ་ལས་བཤུས།

༄༅། །ས་སྐྱོངས་(སྐྱོང)ཞེས་བྱ་ཤིང་མོ་བྱ་ཡི་ལོ། འབུམ་འགྱུར་ཟླ་བའི་བཅུ་གསུམ་ཉིན། བདག་གི་ཕྲག་པ་གཡས་པའི་སྟེང། ཡི་གེ་བ་གཅིག་འདུག་པའི་སྣང་བ་ལ། གང་ཡིན་སྙོམ་(སྙམ)ནས་ལག་པའི་མཐིལ་དུ་ལེན།(བླངས) མིག་གི་(གིས)ལྟས་(བལྟས)པའི་པྲ་མོ་ཧ་ཞིག་འདུག དེ་ལ་རང་སྣང་འཁྲུལ་བ་ཡིན་བསམ་ནས། འཁྲུལ་སྣང་སྒྱུ་མར་(མ)རུ་ཤར་ནས་འདི་སྐད་བརྗོད།

སྟོན་པའི་སྐུ་ཡི་ཆ་ལུགས་ཀྱི་རྣམ་བཤད།

༄༅། །སྟོན་པ་རྫོགས་པའི་སངས་རྒྱས་ཀྱི་སྐུ་ཡི་ཆ་ལུགས་ཀྱི་རྣམ་བཤད་

ལོག་རྟོག་བྲག་ཆེན་གཞོམ་པའི་ཐོག་ཆེན་

ཞེས་བྱ་བ་བཞུགས་སོ། །

༸སྐྱབས་རྗེ་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེ།

བླ་མ་དང་ལྷག་པའི་ལྷ་དབྱེར་མ་མཆིས་པ་ལ་ཕྱག་འཚལ་ལོ། །

                རང་གཞུང་མདོ་རྒྱུད་རྣམས་དང་མི་མཐུན་པའི། །

                སངས་རྒྱས་སྤྲུལ་སྐུའི་ཆ་ལུགས་དུ་མ་ཞིག །

                དམུས་ལོང་དག་ལ་དམིགས་བུ་བཅོལ་འདྲ་བའི། །

                རྗེས་སུ་ཞུགས་པའི་ཁྱུ་ལ་ཡིད་མ་རངས། །

                རང་གཞུང་མདོ་རྒྱུད་རྣམས་ལས་གསུངས་པའི་ཚུལ། །

                མིག་མཛུབ་སྤྲད་དེ་བསྟན་འདིར་ལེགས་པར་ཀློགས། །

                ཕྱི་ནས་སྨྱོན་པའི་འཁྱལ་ཟློས་རྗེས་འབྲངས་ཏེ། །

                མགྲིན་བཟང་སྐད་ཀྱིས་རྣ་བར་མ་འཚེ་ཞིག །

གཤེན་གྱི་འབྱུང་ལྡན་ ༣༠༡ གི་ཆུ་འབྲུག

འཚམས་འཕྲིན།

གངས་ཏི་སེ་བོན་གཞུང་རིག་མཛོད་ཀྱི་དཔེ་ཚོགས་

པར་བསྐྲུན་ལེགས་གྲུབ་སྐབས་ཕུལ་བའི་

འཚམས་འཕྲིན་ཐུང་ངུ་ཞིག

མཁན་ཉི་མའི་རང་རྣམ་ལ་དཔྱད་པ།

མཁན་ཉི་མ་བསྟན་འཛིན་གྱི་རང་རྣམ་ལས་འཕྲོས་པའི་དཔྱད་པ།

དོན་འགྲུབ་ལྷ་རྒྱལ།

ཡོང་ཁུངས། ཧི་མ་ལ་ཡའི་བོན་དྲ་ཚིགས།

གཡུང་དྲུང་བོན་ལ་ཡང་གྲུབ་མཐའ་གཞན་དག་དང་འདྲ་བར་སོ་སོའི་བསྟན་པ་ལ་མཛད་རྗེས་རླབས་ཆེན་འཇོག་མཁན་གྱི་སྐྱེས་བུ་བརྗོད་ཀྱིས་མི་ལང་བ་བྱོན་ཡོད་ལ། སྐྱེས་ཆེན་དམ་པ་དེ་དག་གི་མཛད་པ་རྗེས་དྲན་དང་ལོ་རྒྱུས་ཀྱི་གར་སྟེགས་ཐོག་ཏུ་འོད་སྟོང་འབར་བའི་ཆེད་དུ་ཕྱི་རབས་པས་དམ་པ་དེ་དག་གི་མཛད་རྣམ་ཐོར་བུ་བཀོད་ནས་མི་རབས་ནས་མི་རབས་ལ་བརྒྱུད་པའི་སྲོལ་རྒྱུན་ཆགས་ཡོད། སྔོན་བྱོན་དམ་པའི་རྣམ་ཐར་ལ་ཡང་རིགས་གཉིས་སུ་དབྱེ་རུང་བ་སྟེ་དམ་པ་རང་གིས་དངོས་སུ་བྲིས་པའི་རྣམ་ཐར་ལོ་རྒྱུས་ལ་རང་རྣམ་ཞེས་པ་དང་དེ་ལས་གཞན་པ་ནི་ཕྱི་རབས་པས་དམ་པ་དེའི་སྐུ་ཚེའི་འཕེལ་རིམ་རྣམས་ངག་སྒྲོས་ལ་གཞིར་བཞག་ནས་བྲིས་པའི་རྣམ་ཐར་དང་གཉིས་སོ། །

སྐུ་བརྙན་དང་མཆོད་རྟེན་གྱི་གཟུངས་གཞུག་འབུལ་ཚུལ།

༸སྐྱབས་རྗེ་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེ།

༄༅། །སྐུ་བརྙན་དང་མཆོད་རྟེན་གྱི་གཟུངས་གཞུག་འབུལ་ཚུལ་མཁན་ཆེན་ཉི་མའི་ཕྱག་ལེན་ལྟར་ལ། འགའ་ཞིག་དོགས་པའི་གཞི་ཆེན་པོ་གྱུར་འདུག་པས་ཅུང་ཟད་དག་བཅོས་ཀྱི་ཞབས་ཞུ་འབུལ་བ་ལ། དེ་ཡི་ཕྱག་བཞེས་ལྟར་བསྡུས་འབྲིང་རྒྱས་པའི་སྐབས་དང། གཟུངས་རྫོང་ལྟར་བསྡུས་འབྲིང་རྒྱས་པའི་སྐབས་རྣམས་སུ་མཆོད་རྟེན་དང་ལྷ་སྐུ་ཡི་གནས་ལྷན་དུ་སྦྱར་སྐབས་ཅུང་མི་མཐུན་པ། དང་གོང་དང་བུམ་དཀྱིལ་ཞེས་པ་དང་། ཐུགས་ཁ་དང་མགུལ་ཆུ་ཞེས་པ་དང་། ལྟེ་བ་དང་བུམ་གཤམ་ཞེས་པ་དང། ལྟེ་བ་དང་མགུལ་ཆུ་ཞེས་སོགས་ཅུང་མི་མཐུན་པས་འཛབ་ཆེན་དང་གཟུངས་སོགས་གནས་སོ་སོར་མ་ངེས་ན་འཇོག་སྟབས་མི་བདེ་བས།

བཀའ་དང་བཀའ་བརྟེན་གྱི་དབྱེ་སྒོ་རགས་བསྡུས།

གཡུང་དྲུང་བོན་གྱི་བཀའ་དང་བཀའ་བརྟེན་གྱི་དབྱེ་སྒོ་རགས་བསྡུས། 

༄༅། །རྩོད་ལྡན་ཚེ་ལོ་བརྒྱ་པའི་སྟོན་པ་རྣམ་འདྲེན་བརྒྱད་པ་རྒྱལ་བ་གཤེན་རབ་མི་བོ་ཀུན་ལས་རྣམ་པར་རྒྱལ་བ་མཆོག་གི་བསྟན་པ་ལ་གཡུང་དྲུང་གི་བོན་ཞེས་བྱ། སྤྱད་ཅིང་ཉམས་སུ་བླངས་བ་ལ་བརྟེན་ནས་ལུས་ཅན་གྱི་སྡུག་བསྔལ་ལས་སྐྱོབ་པར་བྱེད་པའི་ཐབས་སུ་གྱུར་པའི་རྣམ་དཀར་གྱི་ཡོན་ཏན་དེ་གཡུང་དྲུང་བོན་གྱི་མཚན་ཉིད་དང༌།

རང་འབྱུང་ཆུ་ཚན་གྱི་རྣམ་བཞག་ཟུར་ཙམ་གླེང་བ།

སྔར་སྲོལ་གསོ་རིག་འབུམ་བཞི་སློབ་གྲྭའི་སྨན་དགེ་རག་ཤི་ཚུལ་ཁྲིམས་སངས་རྒྱས་ཀྱིས་བརྩམས།

༡༩༤༠-༢༠༡༡།༡།༢༠

ཐུགས་རྗེའི་སྟོབས་ལས་གསོ་བྱེད་སྤྲིན་སྤུངས་འཁྲིགས། །

འབྱུང་ལྔའི་རྩི་བཅུད་བདུད་རྩིའི་ཟིལ་ཐིགས་རྒྱས། །

ན་གསོ་འཆི་སློང་བདེ་བའི་སྐམ་སར་བསྐྱལ། །

མེས་པོའི་སྐུ་དྲིན་སྙིང་དབུས་རྟག་ཏུ་རོལ། ། 

རྒྱལ་བའི་ཐུགས་རྗེ་ནམ་མཁའི་སྤྲིན་སྤུངས་ལས། །

ཐོན་པའི་གསོ་རིག་བདུད་རྩིའི་ཆར་རྒྱུན་གྱིས། །

བཞི་བསྡུས་འབྱུང་ཁམས་འཛིན་མའི་ལྟོ་བ་རུ། །

ཟིམ་པས་འདབ་ལོ་མེ་ཏོག་ཚུལ་བཞིན་འཁྲུངས། ། 

བླང་དོར་དཔྱད་ཀྱི་མེ་ལོང་།

༄༅། །ལུགས་གཉིས་ཀྱི་སྤྱོད་པ་ལ་འཇུག་ཐབས་བླང་དོར་དཔྱད་ཀྱི་

མེ་ལོང་ཞེས་བྱ་བ་བཞུགས་སོ།།

ཡོངས་འཛིན་ཚུལ་ཁྲིམས་རྒྱལ་མཚན།

མཁྱེན་བརྩེ་ཕུལ་ཕྱིན་རྒྱུད་གསུམ་བླ་མ་རྗེ།།

སྤངས་རྟོགས་ཕུལ་ཕྱིན་དུས་གསུམ་སངས་རྒྱས་དང།།

དོན་གཉིས་ཕུལ་ཕྱིན་ཐེག་གསུམ་གཡུང་དྲུང་བོན།།

ལུང་རིག་ཕུལ་ཕྱིན་བསླབ་གསུམ་སེམས་དཔར་འདུད།།

དཔྱད་གསུམ་ནོར་བུའི་གན་མཛོད་ལས་ཐོན་པའི།།

ཡ་རབས་ཤེས་ལྡན་གོང་མའི་བཟང་སྤྱོད་ལ།།

འཇུག་ཐབས་བླང་དོར་དཔྱད་ཀྱི་མེ་ལོང་འདི།།

བློ་གྲོས་ལང་ཚོ་གསར་པའི་དཔལ་དུ་སྦྱིན།།

སྟོན་པ་གཤེན་རབ་ཀྱི་མཛད་རྣམ་སྙིང་བསྡུས།

དང་པོ་རྣམ་པར་བཞེས་པའི་མཛད་པ། (སྐྱེ་བ་བཞེས་པའི་མཛད་པ།)

༄༅། །རྣམ་འདྲེན་ཡང་དག་པར་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་ཀུན་ལས་རྣམ་པར་རྒྱལ་བ་དེ་ཉིད་ཀྱིས་དང་པོ་བྱང་ཆུབ་མཆོག་ཏུ་ཐུགས་བསྐྱེད། བར་དུ་གྲངས་མེད་གསུམ་དུ་ཚོགས་གཉིས་བསགས། མཐར་ཐུག་འོག་མིན་གྱི་ཞིང་དུ་སྐུ་གསུམ་རྫོགས་པའི་སངས་རྒྱས་ཀྱི་གོ་འཕང་མངོན་དུ་མཛད་དེ། རྩོད་ལྡན་ཚེ་ལོ་བརྒྱ་པའི་འགྲོ་བ་རྣམས་འདུལ་བའི་དུས་ལ་བབས་ཚེ་འོག་མིན་གྱི་ཞིང་དུ་གཤེན་ལྷ་འོད་དཀར་ལ་འགྲོ་བ་འདུལ་བའི་བོན་ལུང་ཞུས་ཏེ་གནས་རིགས་ཆེན་པོ་བཞི་དང༌། གཟུགས་ཁམས་བཅུ་བདུན། འདོད་ལྷ་གཞན་འཕྲུལ་དབང་བྱེད་སོགས་ནས་རིམ་བཞིན་བྱོན་ཏེ། རྩ་གསུམ་ལྷ་ཡི་ཞིང་དུ་ཕེབས། གཅུང་ཤེས་པ་རྒྱལ་ཚབ་ཏུ་བསྐོས་ཤིང་འཇིག་རྟེན་དྲེགས་པའི་སྡེ་ཚོགས་རྣམས་དབང་དུ་བསྡུས་ཏེ་བསྟན་པའི་སྲུང་མར་བསྐོས། རི་རབ་ཀྱི་ཁ་ཁྱེར་ལྷོ་ཕྱོགས་རྒྱལ་པོ་འཕགས་སྐྱེས་པོའི་རྒྱལ་ས་ནས་གཟིགས་དགོངས་ཚད་ལྔ་ཐུགས་ལ་བཀྲམ་སྟེ། རྟག་གཟིགས་འོལ་མོ་ལུང་རིང་གི་རྒྱལ་མཁར་བར་པོ་སོ་བརྒྱད། ཡབ་རྒྱལ་བོན་ཐོད་དཀར་དང༌། ཡུམ་ཡོ་ཕྱི་རྒྱལ་བཞད་མ་གཉིས་ཀྱི་སྲས་སུ་ལོ་ཡི་རྒྱལ་པོ་ཤིང་ཕོ་བྱི་བ། ཟླ་བའི་དང་པོ་དཔྱིད་ར་མེ་སྟག་གི་ཟླ་བ། ཞག་གི་སྙིང་པོ་ཚེས་བཅོ་ལྔ༌། དུས་ཚོད་ཀྱི་དང་པོ་ནམ་ལངས། སྐར་མའི་དམ་པ་རྒྱལ་གྱི་རུ་གོང་དུ་སྐུ་འཁྲུངས། (ཕྱི་ལོའི་སྔོན་ ༡༦༠༡༧)མཚན་མཁན་བྲམ་ཟེ་གསལ་ཁྱབ་འོད་ལྡན་གྱིས་སངས་རྒྱས་བསྟན་པའི་གཙོ་བོ་སྟོན་པ་གཤེན་རབ་མི་བོ་ཀུན་ལས་རྣམ་པར་རྒྱལ་བ་ཞེས་མཚན་གསོལ། དེ་རྗེས་མི་ལོ་གཅིག་རིང་གཞོན་ནུ་རོལ་རྩེད་མཛད། དེ་ནས་འཇིག་རྟེན་གྱི་མངའ་དབང་ཅན་རྣམས་ཀྱིས་ཞབས་ནས་བཏེགས་ཏེ་དམུ་རིགས་འཕྲུལ་གྱི་རྒྱལ་པོའི་རྒྱལ་སར་བཀོད་དེ་སྲིད་གསུམ་ཡོངས་ཀྱི་མངའ་བདག་ཏུ་མངའ་གསོལ། རྒྱལ་བུའི་བཀའ་ཁྲིམས་བསྩལ་བའི་མདོ་དང༌། སངས་རྒྱས་བསྟན་པ་ཆགས་པའི་གཞི་མ་བཟོ་རིག་པའི་སྐོར་རྣམས་གསུངས་ཏེ་འཛམ་གླིང་རྒྱན་དྲུག་སོགས་ལ་གཉེར་དུ་གཏད།

ལེགས་བཤད་ལམ་རིམ།

ལེགས་བཤད་ལམ་གྱི་རིམ་པ་ཞེས་བྱ་བ་ཚིག་བར་བདུན་ལ་

ཤད་བར་དུ་བགྱིས་པ་ཤོ་ལོ་ཀ་དྲུག་ཅུ་

རྩ་བརྒྱད་པ་བཞུགས་སོ།།

སྐུ་མདུན་བསོད་ནམས་གཡུང་དྲུང་།

༄༅། ། ༡ དྲི་མེད་སྐུ་སྟེ་ཤེས་བྱ་མཁྱེན།། འཕྲུལ་ངག་བདེན་པའི་ཐར་ལམ་སྟོན།། ཉོན་ཤེས་བྱང་སྦྱོང་འགྲོ་ལ་བརྩེ།། སྐྱབས་གནས་གསུམ་ལ་ཕྱག་འཚལ་ལོ།། ༢ བློ་གྲོས་ལྡན་པའི་ཤེས་རབ་ཀྱིས།། མི་ཤེས་བློ་དམན་རབ་རིབ་བསལ།། སྙན་པའི་ངག་དང་ཚིག་སྡེབས་ནས།། གཞན་ཕན་ཕྱིར་དུ་ལེགས་པར་བཤད།། ༣ ཆུ་ཤེལ་ལས་གྲུབ་བསིལ་ལྡན་པས།། ཆུ་སྐྱེས་པད་མོའི་ཁ་འབྱེད་ལྟར།། སངས་རྒྱས་བཀའ་དང་དམ་པའི་ལུང།། དེས་ནི་བློ་གསལ་ཤེས་རབ་འབྱེད།། ཀླད་ཀྱི་དོན་བསྟན་པའོ།།