བོད་མི་མང་སྤྱི་འཐུས་དགེ་བཤེས་སྨོན་ལམ་མཐར་ཕྱིན།
ཕྱི་ལོ་ ༢༠༡༩ ཟླ་ ༡ ཚེས་ ༢༥
ཀ༽ རྒྱལ་ཡོངས་འོས་བསྡུ།
 |
| དཔའ་བོའི་ཁྱུ་མཆོག་ལི་ཐང་ཨ་འབྲུག་མགོན་པོ་བཀྲ་ཤིས། |
༄༅། །མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་འདི་ཉིད་ཐོག་མར་ཕྱི་ལོ་
༡༩༥༨ ཟླ་ ༦ ཚེས་ ༡༦ ཉིན་དཔའ་བོའི་ཁྱུ་མཆོག་ལི་ཐང་ཨ་འབྲུག་མགོན་པོ་བཀྲ་ཤིས་མཆོག་གིས་བོད་ལྷོ་ཁ་ལྕགས་ཚ་གྲུ་གུ་ཐང་དུ་གསར་འཛུགས་གནང་སྟེ།
དགྲ་བོ་རྒྱ་དམག་ལ་འཐབ་འཁྲུག་རིམ་བྱས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཕེབས་ལམ་གཙང་སེལ་གྱིས་རྒྱ་གར་དུ་གདན་འདྲེན་ཞུ་ཐུབ་པ་སོགས་བྱས་རྗེས་བསམ་གྱིས་མི་ཁྱབ།
བོད་མི་རྣམས་རྒྱ་གར་དུ་སྐྱབས་བཅོལ་ལ་འབྱོར་མ་ཐག་ཛ་སག་ཨ་འབྲུག་མགོན་པོ་བཀྲ་ཤིས་མཆོག་གིས་དབུ་ཁྲིད་པའི་ཐོག་ནས་སྒྲིག་འཛུགས་འདི་རྒྱུན་མཐུད་གནང་ཅིང་།
ཚོགས་པ་འདི་ཉིད་མདོ་སྟོད་ཆོལ་ཁའི་དབུས་སྤྱི་ཁྱབ་ལས་ཁུངས་སུའང་གྱུར་ཡོད། བོད་རང་ནས་གསར་འཛུགས་གནང་བའི་ཚོགས་པ་ཞིག་བཙན་བྱོལ་ནང་མཐུད་རྒྱག་ཐུབ་པ་ནི་ཆུ་བཞི་སྒང་དྲུག་གི་ཚོགས་པ་འདི་གཅིག་པུ་དེ་ཆགས་ཡོད།
